حضرت ابن الاقمر سے مروی ہے کہ گھڑ سواروں نے شام میں دھاوا بولا، عربی گھوڑے اسی دن (دشمن تک) پہنچ گئے، اور ترکی النسل گھوڑے اگلے دن چاشت کے وقت پہنچے، حضرت ابن ابی خمیصہ نے فرمایا: جو پہنچ گیا میں اس کو اس کے برابر نہ ٹھہراؤں گا جو نہیں پہنچا، حضرت عمر رضی اللہ عنہ کو خط لکھا گیا، حضرت عمر رضی اللہ عنہ نے ارشاد فرمایا وادعی کی ماں اس کو گم پائے، اس نے کیسا مرد جنا ہے! جو کچھ اس نے کہا ہے اس پر چلو۔ [مصنف ابن ابي شيبه/كتاب السير/حدیث: 35406]