حماد بن سلمہ فرماتے ہیں کہ عبید اللہ بن ابی بکر نے حضرت انس رضی اللہ عنہ سے نقل کیا کہ ان کے شہر میں ایک شگاف تھا۔ یمامہ کے محکم نے اس پر اپنے پاؤں رکھے اور وہ ایک موٹا اور لمبا آدمی تھا۔ وہ رجز پڑھنے لگا اور کہنے لگا کہ میں یمامہ کا محکم ہوں، میں پڑاؤ کا مدار ہوں، اور میں، میں ہوں۔ حضرت انس رضی اللہ عنہ فرماتے ہیں کہ وہ ان کا پہلوان آدمی تھا۔ جب اسے وار کا موقع ملا تو اس نے وار کیا اور حضرت براء رضی اللہ عنہ نے اپنی ڈھال سے بچاؤ کیا۔ پھر حضرت براء نے اس کی پنڈلی پر وار کیا اور اسے مار ڈالا۔ یمامہ کے محکم کے پاس ایک چوڑی تلوار تھی، حضرت براء نے اپنی تلوار پھینک دی اور محکم کی چوڑی تلوار لے لی، پھر حملہ کیا اور اس سے وار کرتے رہے یہاں تک کہ وہ ٹوٹ گئی۔ پھر آپ نے فرمایا کہ اللہ اس چیز کو رسوا کرے جو میرے اور تیرے درمیان ہے۔ اور اپنی تلوار لے لی۔ [مصنف ابن ابي شيبه/كتاب البعوث والسرايا/حدیث: 35982]