حضرت علی رضی اللہ عنہ سے مروی ہے کہ نبی کریم صلی اللہ علیہ وسلم نے ارشاد فرمایا: جنت میں ایسے کمرے ہیں جن کا اندر کا حصہ باہر سے نظر آتا ہے اور باہر کا حصہ اندر سے ایک اعرابی یہ سن کر کھڑا ہوگیا اور عرض کیا اے اللہ کے رسول صلی اللہ علیہ وسلم ! وہ کمرے کس کیلئے ہیں؟ آپ نے ارشاد فرمایا وہ کمرے اس کیلئے ہیں جو عمدہ کلام کرے (سچ بولے) بھوکوں کو کھلانا کھلائے، سلام کو عام کرے اور رات میں جس وقت لوگ آرام کر رہے ہوں وہ نماز پڑھے۔ [مصنف ابن ابي شيبه/كتاب الجنة/حدیث: 36678]