حضرت عبد اللہ بن عمر رضی اللہ عنہما نے ارشاد فرمایا: ایک جنتی آئے گا تو اس کو حوریں جھانک کر دیکھیں گی اور کہیں گی اے فلاں بن فلاں! تم جب ہمارے پاس سے گئے تھے تو تمہیں اپنے آپ پر ہم سے زیادہ حق نہ تھا، وہ پوچھے گا تم کون ہو؟ وہ حوریں کہیں گی ہم ان نعمتوں میں سے ہیں جن کے متعلق اللہ نے فرمایا ہے: { فَلاَ تَعْلَمُ نَفْسٌ مَا أُخْفِیَ لَہُمْ مِنْ قُرَّۃِ أَعْیُنٍ، جَزَائً بِمَا کَانُوا یَعْمَلُونَ }۔ [مصنف ابن ابي شيبه/كتاب الجنة/حدیث: 36710]