حضرت عمر رضی اللہ عنہ نے حضرت کعب سے فرمایا اے کعب ہمیں خوف دلائیے حضرت کعب نے فرمایا جی ہاں، اللہ تعالیٰ تمام مخلوق ایک زمین پر جمع فرمائے گا نگاہ ان سب تک پہنچے گی اور پکارنے والا ان سب کو سنائے گا اور جہنم کو لایا جائے گا، اس دن جہنم تین سانسیں لے گی پہلی سانس کے بعد کسی آنکھ میں آنسو باقی نہ بچے گا یہاں تک کہ خون بہنے لگے گا دوسری مرتبہ میں تمام انسان گھٹنوں کے بل جھک کر عرض کریں گے یا رب نفسی نفسی یہاں تک کہ اللہ کے خلیل حضرت ابراہیم علیہ السلام بھی اور تیسری مرتبہ میں اے عمر! اگر تیرے پاس ستر انبیاء کا عمل بھی ہو تو پھر بھی تجھے خوف ہوگا یہاں تک کہ تو جان لے کہ تو کس فریق میں سے ہے۔ [مصنف ابن ابي شيبه/كتاب الجنة/حدیث: 36875]