حضرت صلہ فرماتے ہیں کہ میں نے حضرت ابو رفاعہ کو ان پر مصیبت آنے (شہادت) کے بعد خواب میں دیکھا کہ وہ ایک تیز رفتار اونٹنی پر سوار ہیں اور میں ایک بوجھل سست اونٹ پر ہوں۔ میں کوشش کر کے ان کے پیچھے پیچھے چل رہا ہوں۔ وہ اونٹنی کو میری طرف موڑتے ہیں تو میں کہتا ہوں کہ اب میں انہیں اپنی آواز سنا دوں گا، پھر وہ اسے چھوڑ دیتے ہیں اور میں ان کے پیچھے چلتا رہتا ہوں۔ میں نے اپنے اس خواب کی یہ تعبیر کی کہ میں ابو رفاعہ کے راستے پر چلوں، چنانچہ میں ان کے بعد عمل میں خوب مشقت اٹھاتا ہوں۔ [مصنف ابن ابي شيبه/كتاب الزهد/حدیث: 38256]