حضرت بکر بن ماعز رحمہ اللہ فرماتے ہیں کہ ربیع بن خثیم کی بیٹی آئی جس وقت ان کے پاس ساتھی بیٹھے ہوئے تھے تو اس نے پوچھا کہ اے ابا جان! میں کھیلنے چلی جاؤں تو انہوں نے فرمایا کہ نہیں۔ ان کے ساتھیوں نے ان سے عرض کیا کہ اے ابویزید اس کو جانے دیجیے تو انہوں نے جواب دیا کہ میرے صحیفہ میں یہ نہ پایا جائے کہ میں نے اس سے کہا ہو کہ جا اور کھیل بلکہ جا اور اچھی بات کہہ اور اچھا کام کر۔ [مصنف ابن ابي شيبه/كتاب الزهد/حدیث: 38289]