حضرت زید بن یثیع سے روایت ہے کہ بدر کے دن حضرت ابوبکر، نبی کریم صلی اللہ علیہ وآلہ وسلم کے ہمراہ چھپر پر تھے۔ راوی کہتے ہیں: نبی کریم صلی اللہ علیہ وآلہ وسلم نے دعا مانگنی شروع کی اور فرمایا: ”اے اللہ! اس جماعت کی مدد فرما۔ اگر تو مدد نہیں کرے گا تو دھرتی پر تیری عبادت نہیں کی جائے گی۔“ حضرت ابوبکر نے عرض کیا: اپنے رب سے آپ کی یہ التجا کافی ہے، اسے کچھ کم کر دیجئے۔ بخدا! اللہ تعالیٰ ضرور بالضرور آپ کے ساتھ کیا ہوا وعدہ پورا فرمائے گا۔ [مصنف ابن ابي شيبه/كتاب المغازي/حدیث: 39450]