حضرت حماد بن فروہ فرماتے ہیں کہ ایک مرتبہ میں نے استنجا کیا اور میں وضو کرنا بھول گیا۔ پھر میں نے ظہر، عصر اور مغرب کی نماز ادا کی۔ پھر مجھے یاد آیا کہ یہ نمازیں تو میں نے بغیر وضو کے پڑھی ہیں۔ جب صبح ہوئی تو میں نے اس بارے میں حضرت عطاء اور حضرت مجاہد سے سوال کیا، (راوی جعفر کہتے ہیں کہ میرا خیال ہے انہوں نے حضرت سعید بن جبیر کا بھی ذکر کیا) تو سب نے فرمایا کہ وضو کرو اور ان سب نمازوں کو ابھی دوبارہ پڑھو اور جو نماز پہلے ہے اسے پہلے ادا کرو۔ [مصنف ابن ابي شيبه/سجود السهو والعمل في الصلاة/حدیث: 4804]