عمرو بن عامر بیان کرتے ہیں: میں نے سیدنا انس بن مالک رضی اللہ عنہ کو یہ بیان کرتے ہوئے سنا ہے، وہ فرماتے ہیں: سیدنا ابوموسیٰ نے مجھ سے فرمایا: مجھے یہ بتایا گیا ہے، جب تم (سفر پر روانہ ہوتے ہوئے) نکلتے ہو، تو روزہ رکھ کر نکلتے ہو، تو جب شہر میں داخل ہوتے ہو، تو روزے کی حالت میں ہوتے ہو، جب (تم سفر کے لیے) نکلا کرو، تو روزے کے بغیر حالت میں نکلا کرو اور جب تم (سفر سے واپسی پر شہر میں) داخل ہوا کرو، تو روزے کے بغیر حالت میں داخل ہوا کرو۔ [سنن الدارقطني/ كتاب الصيام/حدیث: 2292]