عطاء رحمہ اللہ بیان کرتے ہیں: انہوں نے سیدنا عبداللہ بن عباس رضی اللہ عنہما کو یہ تلاوت کرتے ہوئے سنا: ”اور وہ لوگ جو اس کی طاقت نہیں رکھتے، تو ان کا فدیہ ایک مسکین کو کھانا کھلانا ہے۔“ سیدنا عبداللہ بن عباس رضی اللہ عنہما فرماتے ہیں: یہ حکم منسوخ نہیں ہے۔ اس سے مراد وہ بوڑھا آدمی یا وہ عورت ہے جو کبھی روزہ رکھنے کی استطاعت نہیں رکھیں گے، تو وہ ہر ایک دن کے عوض ایک مسکین کو کھانا کھلا دیں۔ یہ روایت صحیح ہے۔ [سنن الدارقطني/ كتاب الصيام/حدیث: 2381]