سیدنا عمر بن خطاب رضی اللہ عنہ نے لوگوں سے پوچھا: ”کس نے رسول اللہ صلی اللہ علیہ وسلم سے دادا کے بارے میں کچھ سنا ہے؟“ ایک آدمی نے کہا: ”میں نے۔“ فرمایا: ”کیا دیا تھا؟“ کہا: ”مال کا چھٹا حصہ۔“ پوچھا: ”اس کے ساتھ کون وارث تھے؟“ کہا: ”معلوم نہیں۔“ فرمایا: ”کچھ نہیں جانتے۔“ دوسرے نے کہا: ”میرے پاس علم ہے، دادا کو مال کا تیسرا حصہ دیا۔“ پھر وہی سوال اور جواب۔ تیسرے نے کہا: ”مال کا آدھا دیا۔“ چوتھے نے کہا: ”پورا مال دیا۔“ سب سے عمر رضی اللہ عنہ نے کہا: ”جب معلوم نہیں تو کچھ نہیں جانتے۔“ پھر جب سیدنا زید بن ثابت رضی اللہ عنہ نے وراثت کے حصے طے کیے تو دادا کو بیٹے کے ساتھ چھٹا حصہ، بھائیوں کے ساتھ تیسرا حصہ، ایک بھائی کے ساتھ آدھا مال اور اگر کوئی وارث نہ ہو تو پورا مال دیا۔ [سنن سعید بن منصور/كتاب ولاية العصبة/حدیث: 1216]