سیدنا ابن عباس رضی اللہ عنہما سے روایت ہے کہ ایک شخص ان کے پاس آیا اور دادا کے بارے میں سوال کیا، ابن عباس رضی اللہ عنہما نے اس کا نسب پوچھا، جب وہ تین پشتوں تک بیان کرتا رہا تو فرمایا: ”تم تو صرف آباء ہی گن رہے ہو۔“ پھر یہ آیت تلاوت کی: ﴿وَاتَّبَعْتُ مِلَّةَ آبَائِي إِبْرَاهِيمَ وَإِسْحَاقَ وَيَعْقُوبَ﴾ ”اور میں نے اپنے آباء ابراہیم، اسحاق اور یعقوب کے دین کی پیروی کی۔“ اور فرمایا: ”اللہ نے دادا کو والدین پر مقدم رکھا ہے۔“ [سنن سعید بن منصور/كتاب ولاية العصبة/حدیث: 1228]