سیدنا عبداللہ بن عمر رضی اللہ عنہما سے ایک شخص نے پوچھا: اے عبداللہ! ہم لوگ تجارت کے لیے کرایہ پر جاتے ہیں، اور کچھ لوگ کہتے ہیں کہ ہمارا حج نہیں ہوتا؟ تو سیدنا عبداللہ بن عمر رضی اللہ عنہما نے فرمایا: ایک شخص نے رسول اللہ صلی اللہ علیہ وسلم سے وہی سوال کیا جو تم نے پوچھا، مگر رسول اللہ صلی اللہ علیہ وسلم نے کوئی جواب نہیں دیا، یہاں تک کہ یہ آیت نازل ہوئی: ﴿لَيْسَ عَلَيْكُمْ جُنَاحٌ أَنْ تَبْتَغُوا فَضْلًا مِنْ رَبِّكُمْ﴾ (تم پر کوئی گناہ نہیں کہ تم اپنے رب کا فضل تلاش کرو)۔ پھر رسول اللہ صلی اللہ علیہ وسلم نے اس شخص کو بلایا اور فرمایا: ”تم لوگ حاجی ہو۔“ [سنن سعید بن منصور/كتاب التفسير/حدیث: 352]