حسن رحمہ اللہ نے اس آیت ﴿أَوْ كَالَّذِي مَرَّ عَلَىٰ قَرْيَةٍ وَهِيَ خَاوِيَةٌ عَلَىٰ عُرُوشِهَا قَالَ أَنَّىٰ يُحْيِي هَٰذِهِ اللَّهُ بَعْدَ مَوْتِهَا فَأَمَاتَهُ اللَّهُ مِائَةَ عَامٍ ثُمَّ بَعَثَهُ﴾ کے بارے میں فرمایا: ہمیں بتایا گیا کہ وہ چاشت کے وقت فوت کیے گئے اور جب سورج ڈوبنے سے پہلے جھکنے لگا تو زندہ کیے گئے، پھر اللہ عزوجل نے فرمایا: ﴿كَمْ لَبِثْتَ قَالَ لَبِثْتُ يَوْمًا أَوْ بَعْضَ يَوْمٍ قَالَ بَلْ لَبِثْتَ مِائَةَ عَامٍ فَانْظُرْ إِلَىٰ طَعَامِكَ وَشَرَابِكَ لَمْ يَتَسَنَّهْ وَانْظُرْ إِلَىٰ حِمَارِكَ وَلِنَجْعَلَكَ آيَةً لِلنَّاسِ﴾ یعنی تیرے گدھے کو بھی زندہ کریں گے، تیرے کھانے اور پینے کو اللہ عزوجل نے درندوں سے محفوظ رکھا، پھر فرمایا: ﴿وَانْظُرْ إِلَى الْعِظَامِ كَيْفَ نُنْشِزُهَا ثُمَّ نَكْسُوهَا لَحْمًا﴾ ہمیں یہ بھی بتایا گیا کہ سب سے پہلے اللہ عزوجل نے اس کی آنکھیں پیدا کیں، پس وہ ان سے دیکھ رہا تھا کہ ہر ہڈی کس طرح اپنی جگہ لوٹ رہی ہے، پھر جب حقیقت واضح ہوگئی تو کہنے لگا: ﴿فَلَمَّا تَبَيَّنَ لَهُ قَالَ أَعْلَمُ أَنَّ اللَّهَ عَلَىٰ كُلِّ شَيْءٍ قَدِيرٌ﴾ ۔ [سنن سعید بن منصور/كتاب التفسير/حدیث: 434]