سیدنا ابن عباس رضی اللہ عنہما بیان کرتے ہیں کہ نبی اکرم صلی اللہ علیہ وسلم سیدنا امام حسن اور سیدنا امام حسین رضی اللہ عنہما کو یہ پڑھ کر دم کیا کرتے تھے: «أُعِيذُكُمَا بِكَلِمَاتِ اللهِ التَّامَّةِ، مِنْ كُلِّ شَيْطَانٍ وَهَامَّةٍ، وَمِنْ كُلِّ عَيْنٍ لَامَّةٍ» ”میں ہر شیطان، تکلیف دہ چیز اور لگنے والی نظر (کے شر سے) تم دونوں کو اللہ تعالیٰ کے مکمل کلمات کی پناہ میں دیتا ہوں۔“ پھر آپ صلی اللہ علیہ وسلم یہ فرماتے تھے: ”سیدنا ابراہیم علیہ السلام اپنے دو صاحبزادوں سیدنا اسماعیل اور سیدنا اسحاق علیہما السلام کو یہی (کلمات پڑھ کر) دم کیا کرتے تھے۔“ [صحیح ابن حبان/كتاب الرقائق/حدیث: 1012]