سیدنا عبداللہ بن عمر رضی اللہ عنہما کے بارے میں یہ بات منقول ہے، وہ سعد بن عبادہ کے محلے میں اوساط میں ایک جنازے میں شریک ہوئے، پھر وہ چلتے ہوئے بنو عمرو بن عوف کے محلے کی طرف آئے جو بنو حارث بن خزرج کے اختتام پر تھا۔ ان سے دریافت کیا گیا: اے ابوعبدالرحمن! آپ کہاں جا رہے ہیں؟ انہوں نے جواب دیا: میں بنو عمرو بن عوف کے محلے میں موجود اس مسجد میں جا رہا ہوں، کیونکہ میں نے نبی اکرم صلی اللہ علیہ وسلم کو یہ بات ارشاد فرماتے سنا ہے: ”جو شخص اس میں نماز ادا کرتا ہے، تو یہ عمرہ کرنے کے برابر ہے۔“ [صحیح ابن حبان/كتاب الصلاة/حدیث: 1627]