سائب بن یزید بیان کرتے ہیں: نبی اکرم صلی اللہ علیہ وسلم سیدنا ابوبکر رضی اللہ عنہ اور سیدنا عمر رضی اللہ عنہ کے زمانہ اقدس میں اذان کے کلمات دو، دو مرتبہ کہے جاتے تھے (یعنی جمعہ کے دن ایک اذان ہوتی تھی، اور ایک اقامت ہوتی تھی) یہاں تک کہ جب سیدنا عثمان رضی اللہ عنہ کا عہد حکومت آیا اور لوگ زیادہ ہو گئے، تو انہوں نے مؤذن کو یہ ہدایت کی کہ وہ زوراء کے مقام پر (جمعے کے دن) دوسری اذان دیں۔ [صحیح ابن حبان/كتاب الصلاة/حدیث: 1673]