زید بن وہب بیان کرتے ہیں: سیدنا حذیفہ رضی اللہ عنہ نے ”کندہ“ کے دروازوں کے نزدیک ایک شخص کو ٹھونگے مارتے ہوئے دیکھا تو دریافت کیا: تم کتنے عرصے سے اس طرح نماز پڑھ رہے ہو۔ اس نے جواب دیا: چالیس سال سے تو سیدنا حذیفہ رضی اللہ عنہ نے فرمایا: اگر تم اسی حالت میں مرتے ہو، تو تم اس فطرت کے علاوہ مرو گے جس پر سیدنا محمد صلی اللہ علیہ وسلم کو مبعوث کیا گیا تھا۔ آدمی نماز مختصر پڑھ لے لیکن رکوع اور سجود مکمل ادا کرے۔ [صحیح ابن حبان/كتاب الصلاة/حدیث: 1894]