سیدنا ابوقتادہ رضی اللہ عنہ بیان کرتے ہیں: نبی اکرم صلی اللہ علیہ وسلم نماز کے لیے تشریف لائے، آپ صلی اللہ علیہ وسلم نے اپنے کندھے پر سیدہ امامہ بنت ابوالعاص رضی اللہ عنہا کو اٹھایا ہوا تھا، جب آپ صلی اللہ علیہ وسلم رکوع میں گئے، تو آپ صلی اللہ علیہ وسلم نے انہیں اپنے کندھے سے اتار دیا، جب آپ صلی اللہ علیہ وسلم سجدہ کر کے فارغ ہوئے، تو آپ صلی اللہ علیہ وسلم نے پھر انہیں اپنے کندھے پر اٹھا لیا، آپ صلی اللہ علیہ وسلم اسی طرح کرتے رہے، یہاں تک کہ آپ صلی اللہ علیہ وسلم نماز سے فارغ ہو گئے۔ [صحیح ابن حبان/كتاب الصلاة/حدیث: 2340]