سیدنا عبداللہ بن عمر رضی اللہ عنہ بیان کرتے ہیں: ایک مرتبہ ہم نبی اکرم صلی اللہ علیہ وسلم کے پاس بیٹھے ہوئے تھے۔ اسی دوران ”جمار“ (کھجور کے درخت کا گوند) لایا گیا، تو نبی اکرم صلی اللہ علیہ وسلم نے ارشاد فرمایا: ایک درخت ایسا ہے، جس کی برکت مسلمان کی مانند ہے۔ سیدنا عبداللہ بن عمر رضی اللہ عنہ کہتے ہیں: مجھے خیال آیا کہ وہ کھجور کا درخت ہو گا۔ پھر میں نے حاضرین کا جائزہ لیا، تو میں وہاں دس آدمیوں میں سے دسواں فرد تھا، اور میں وہاں سب سے کم سن تھا۔ اس لئے میں خاموش رہا۔ نبی اکرم صلی اللہ علیہ وسلم نے فرمایا: وہ کھجور کا درخت ہے۔ [صحیح ابن حبان/كتاب الإيمان/حدیث: 244]