سیدنا ابوذر غفاری رضی اللہ عنہ روایت کرتے ہیں کہ نبی اکرم صلی اللہ علیہ وسلم نے ارشاد فرمایا ہے: ”اس ذات کی قسم! جس کے قبضہ قدرت میں میری جان ہے، جو شخص مرتے ہوئے اونٹ یا گائے یا بکریاں چھوڑ جائے جس کی اس نے زکوٰۃ ادا نہ کی ہو، تو قیامت کے دن انہیں پہلے سے بڑے اور پہلے سے بھاری بھرکم وجود میں اٹھایا جائے گا، وہ اپنے سینگوں کے ذریعے اسے ماریں گے اور پاؤں کے ذریعے اسے روندیں گے، جب ان میں سے آخری چلا جائے گا، تو پہلے والا پھر آ جائے گا اور ایسا اس وقت تک ہوتا رہے گا، جب تک اللہ تعالیٰ لوگوں کے درمیان فیصلہ نہیں کر دے گا۔“ [صحیح ابن حبان/كتاب الزكاة/حدیث: 3256]