سیدہ ام فضل بنت حارث رضی اللہ عنہا بیان کرتی ہیں کہ کچھ لوگوں نے ان کی موجودگی میں عرفہ کے دن نبی اکرم صلی اللہ علیہ وسلم کے روزہ رکھنے کے بارے میں اختلاف کیا، کچھ لوگوں کا یہ کہنا تھا کہ نبی اکرم صلی اللہ علیہ وسلم نے روزہ رکھا ہوا ہے، کچھ کا کہنا تھا کہ نبی اکرم صلی اللہ علیہ وسلم نے روزہ نہیں رکھا ہوا، تو سیدہ ام فضل رضی اللہ عنہا نے نبی اکرم صلی اللہ علیہ وسلم کی خدمت میں دودھ کا پیالہ بھیجا، آپ صلی اللہ علیہ وسلم اس وقت اپنے اونٹ پر وقوف کیے ہوئے تھے، تو نبی اکرم صلی اللہ علیہ وسلم نے اسے پی لیا۔ [صحیح ابن حبان/كتاب الصوم/حدیث: 3606]