سیدنا عبداللہ بن مسعود رضی اللہ عنہ بیان کرتے ہیں: ایک مرتبہ میں خانہ کعبہ کے پردے میں چھپا ہوا تھا۔ مسجد (یعنی خانہ کعبہ کے قریب) ثقیف قبیلے سے تعلق رکھنے والا ایک شخص اور اس کے دو داماد جن کا تعلق قریش سے تھا وہ وہاں موجود تھے۔ انہوں نے کہا: تمہارا کیا خیال ہے۔ کیااللہ تعالیٰ ہماری بات سن لیتا ہے۔ تو ان میں سے ایک نے کہا: اگر ہم بلند آواز میں بات کریں گے۔ تو وہ سن لے گا۔ دوسرے نے کہا: اگر وہ بلند آواز میں بات کرنے پر سن لیتا ہے۔ تو پھر پست آواز والی بات کو بھی ضرور سننا چاہیے۔ تیسرے نے کہا: میرا یہ خیال ہے کہاللہ تعالیٰ ہماری ہر بات سن لیتا ہے۔ سیدنا عبداللہ بن مسعود رضی اللہ عنہ بیان کرتے ہیں: میں نبی اکرم صلی اللہ علیہ وسلم کی خدمت میں حاضر ہوا اور میں نے آپ کو ان لوگوں کے قول کے بارے میں بتایا، تواللہ تعالیٰ نے یہ آیت نازل کی: ”اور جو کچھ تم چھپا کر رکھتے ہو، تو تمہاری سماعت اور بصارت تمہارے خلاف گواہی دیں گی۔“ [صحیح ابن حبان/كتاب البر والإحسان/حدیث: 390]