سیدنا عبداللہ بن عمر رضی اللہ عنہما روایت کرتے ہیں کہ نبی اکرم صلی اللہ علیہ وسلم نے ارشاد فرمایا ہے: ”تم میں سے ہر ایک شخص نگران ہے اور تم میں سے ہر ایک سے اس کی نگرانی کے بارے میں حساب لیا جائے گا، لوگوں کا حکمران ان لوگوں کا نگران ہے اور اس سے ان لوگوں کے بارے میں حساب لیا جائے گا، آدمی اپنے گھر والوں کا نگران ہے اور اس سے ان کے بارے میں حساب لیا جائے گا، عورت اپنے شوہر کے گھر کی اور اس کی اولاد کی نگران ہے اور اس سے ان کے بارے میں حساب لیا جائے گا، اور آدمی کا غلام اپنے آقا کے مال کا نگران ہے اور اس سے اس بارے میں حساب لیا جائے گا، تم میں سے ہر ایک شخص نگران ہے اور تم میں سے ہر ایک سے اس کی نگرانی کے بارے میں حساب لیا جائے گا۔“ [صحیح ابن حبان/كتاب السير/حدیث: 4491]