سیدنا انس رضی اللہ عنہ بیان کرتے ہیں: نبی اکرم صلی اللہ علیہ وسلم جب بستر پر جاتے تھے تو یہ پڑھتے تھے: «الْحَمْدُ لِلّٰهِ الَّذِي أَطْعَمَنَا وَسَقَانَا وَكَفَانَا وَآوَانَا، فَكَمْ مِمَّنْ لَا كَافِيَ لَهُ وَلَا مُؤْوِيَ» ”ہر طرح کی حمد اللہ تعالیٰ کے لیے مخصوص ہے جس نے ہمیں کھلایا، ہمیں پلایا اور ہماری کفایت کی، تو کتنے ہی لوگ ایسے ہیں جن کا کفایت کرنے والا کوئی نہیں ہے، جنہیں پناہ دینے والا کوئی نہیں ہے۔“ [صحیح ابن حبان/كتاب الزينة والتطييب/حدیث: 5540]