ابواسحاق بیان کرتے ہیں: میں نے ایک شخص کو اسود بن یزید سے سوال کرتے ہوئے سنا وہ اس وقت مسجد میں قرآن کی تعلیم دے رہے تھے۔ (سوال یہ تھا) آپ یہ آیت کیسے پڑھتے ہیں؟ «‏‏‏‏فَهَلْ مِنْ مُدَّكِرٍ» ‏‏‏‏ اس میں دال پڑھتے ہیں یا ذال پڑھتے ہیں، تو انہوں نے فرمایا: دال پڑھتا ہوں کیونکہ میں نے سیدنا عبداللہ بن مسعود رضی اللہ عنہ کو یہ بیان کرتے ہوئے سنا ہے۔ نبی اکرم صلی اللہ علیہ وسلم نے «فَهَلْ مِنْ مُدَّكِرٍ» تلاوت کی یعنی دال کے ساتھ پڑھا۔ [صحیح ابن حبان/كتاب التاريخ/حدیث: 6328]