سیدنا حذیفہ رضی اللہ عنہ بیان کرتے ہیں: نبی اکرم صلی اللہ علیہ وسلم ہمارے درمیان کھڑے ہوئے، آپ صلی اللہ علیہ وسلم نے اپنے اس قیام کے دوران قیامت تک ہونے والی کسی بھی چیز کو نہیں چھوڑا، ہر چیز کے بارے میں گفتگو کی؛ جس نے اسے یاد رکھنا تھا اس نے اسے یاد رکھا اور جس نے بھولنا تھا وہ بھول گیا، میرے ساتھی بھی یہ بات جانتے ہیں۔ ان میں سے کوئی شخص کوئی بات بھول چکا ہو گا لیکن جب میں اسے دیکھوں گا تو مجھے یاد آ جائے گا، جس طرح کوئی شخص کسی غیر موجود شخص کے چہرے کو یاد کرتا ہے، لیکن جب وہ اسے دیکھتا ہے تو اسے پہچان لیتا ہے۔ [صحیح ابن حبان/كتاب التاريخ/حدیث: 6636]