سیدنا اسامہ بن زید رضی اللہ عنہما بیان کرتے ہیں: نبی اکرم صلی اللہ علیہ وسلم نے یہ بات ارشاد فرمائی ہے: ”میں جنت کے دروازے پر کھڑا ہوا تھا اس میں داخل ہونے والے زیادہ تر لوگ غریب لوگ تھے اور خوشحال لوگوں کو وہاں روک لیا گیا تھا، اور جب اہل جہنم کو جہنم میں جانے کا حکم ہوا اور میں نے جہنم کا جائزہ لیا، تو اس میں داخل ہونے والی اکثر خواتین تھیں۔“ امام ابن حبان رحمہ اللہ فرماتے ہیں: عمران بن موسیٰ نامی راوی نے اس روایت میں سیدنا اسامہ بن زید رضی اللہ عنہما کے ساتھ سیدنا سعید بن زید رضی اللہ عنہ کو بھی ملا دیا ہے۔
یہاں معتمر نامی راوی سے مراد معتمر بن سلیمان ہے۔ [صحیح ابن حبان/كتاب الرقائق/حدیث: 692]