سیدنا انس رضی اللہ عنہ بیان کرتے ہیں کہ نبی اکرم صلی اللہ علیہ وسلم نے ارشاد فرمایا: ”کچھ لوگ آئیں گے جن کے دل انتہائی نرم ہوں گے۔“ (راوی کہتے ہیں) تو اشعر قبیلے کے لوگ آ گئے جن میں سیدنا ابوموسیٰ اشعری رضی اللہ عنہ بھی تھے، وہ لوگ یہ رجز پڑھتے ہوئے اور یہ کہتے ہوئے آ رہے تھے: «غَدًا نَلْقَى الْأَحِبَّةَ مُحَمَّدًا وَحِزْبَهْ» ”کل ہم اپنے محبوب لوگوں سے ملاقات کریں گے، سیدنا محمد صلی اللہ علیہ وسلم سے اور ان کے گروہ سے (ملاقات کریں گے)۔“ [صحیح ابن حبان/كتاب إخباره ﷺ عن مناقب الصحابة رجالهم ونسائهم بذكر أسمائهم رضوان الله عليهم أجمعين/حدیث: 7192]