سیدنا عبداللہ بن عمر رضی اللہ عنہما اپنے والد (سیدنا عمر رضی اللہ عنہ) سے روایت کرتے ہیں کہ رسول اللہ صلی اللہ علیہ وسلم کے پاس سے جب کوئی جنازہ گزرتا تو آپ صلی اللہ علیہ وسلم کھڑے ہو جاتے یہاں تک کہ وہ گزر جاتا۔
یہ حدیث شیخین کی شرط پر صحیح ہے لیکن انہوں نے اسے روایت نہیں کیا، اور یہ سیدنا ابن عمر کی عامر بن ربیعہ سے مروی حدیث کا متن نہیں ہے، کیونکہ وہ متن جنازے کے ساتھ چلنے کے بارے میں ہے جبکہ یہ جنازے کے لیے کھڑے ہونے کے متعلق ہے، باوجود اس کے کہ اس بارے میں روایات میں بہت اختلاف پایا جاتا ہے۔ [المستدرك على الصحيحين/كتاب الجنائز/حدیث: 1334]