سیدہ ام سلمہ رضی اللہ عنہا سے روایت ہے کہ نبی کریم صلی اللہ علیہ وسلم (یوں دعا فرمایا کرتے تھے): یہ وہ سب ہے جو محمد صلی اللہ علیہ وسلم نے اپنے رب سے مانگا: «اللَّهُمَّ إِنِّي أَسْأَلُكَ خَيْرَ الْمَسْأَلَةِ، وَخَيْرَ الدُّعَاءِ، وَخَيْرَ النَّجَاحِ، وَخَيْرَ الْعَمَلِ، وَخَيْرَ الثَّوَابِ، وَخَيْرَ الْحَيَاةِ، وَخَيْرَ الْمَمَاتِ، وَثَبِّتْنِي وَثَقِّلْ مَوَازِينِي، وَحَقِّقْ إِيمَانِي، وَارْفَعْ دَرَجَتِي، وَتَقَبَّلْ صَلَاتِي، وَاغْفِرْ خَطِيئَتِي، وَأَسْأَلُكَ الدَّرَجَاتِ الْعُلَى مِنَ الْجَنَّةِ، اللَّهُمَّ إِنِّي أَسْأَلُكَ فَوَاتِحَ الْخَيْرِ وَخَوَاتِمَهُ وَجَوَامِعَهُ، وَأَوَّلَهُ، وَظَاهِرَهُ، وَبَاطِنَهُ، وَالدَّرَجَاتِ الْعُلَى مِنَ الْجَنَّةِ، آمِينَ. اللَّهُمَّ إِنِّي أَسْأَلُكَ خَيْرَ مَا آتِي، وَخَيْرَ مَا أَفْعَلُ، وَخَيْرَ مَا أَعْمَلُ، وَخَيْرَ مَا بَطَنَ، وَخَيْرَ مَا ظَهَرَ، وَالدَّرَجَاتِ الْعُلَى مِنَ الْجَنَّةِ، آمِينَ. اللَّهُمَّ إِنِّي أَسْأَلُكَ أَنْ تَرْفَعَ ذِكْرِي، وَتَضَعَ وِزْرِي، وَتُصلِحَ أَمْرِي، وَتُطهِّرَ قَلْبِي، وَتُحَصِّنَ فَرْجِي، وَتُنَوِّرَ لِي قَلْبِي، وَتَغْفِرَ لِي ذَنْبِي، وَأَسْأَلُكَ الدَّرَجَاتِ الْعُلَى مِنَ الْجَنَّةِ، آمِينَ. اللَّهُمَّ إِنِّي أَسْأَلُكَ أَنْ تُبَارِكَ لِي فِي نَفْسِي، وَفِي سَمْعِي، وَفِي بَصَرِي، وَفِي رُوحِي، وَفِي خَلْقِي وَفِي خُلُقِي، وَأَهْلِي، وَفِي مَحْيَايَ، وَفِي مَمَاتِي، وَفِي عَمَلِي، وَتَقَبَّلْ حَسَنَاتِي، وَأَسْأَلُكَ الدَّرَجَاتِ الْعُلَى مِنَ الْجَنَّةِ» ”اے اللہ! میں تجھ سے بہترین سوال، بہترین دعا، بہترین کامیابی، بہترین عمل، بہترین ثواب، بہترین زندگی اور بہترین موت کا طلبگار ہوں، مجھے ثابت قدم رکھ، میری نیکیوں کے پلڑوں کو بھاری کر دے، میرے ایمان کو پایہ تکمیل تک پہنچا دے، میرے درجات بلند فرما، میری نماز قبول فرما، میری خطا معاف کر دے، اور میں تجھ سے جنت کے بلند درجات کا سوال کرتا ہوں، اے اللہ! میں تجھ سے خیر کے آغاز، اس کے انجام، اس کے جامع کمالات، اس کے اول، اس کے ظاہر اور اس کے باطن کا سوال کرتا ہوں اور جنت میں اعلیٰ درجات مانگتا ہوں، آمین۔ اے اللہ! میں تجھ سے اس شے کی خیر مانگتا ہوں جسے میں لاؤں، جو میں کروں، جو میں عمل میں لاؤں، جو چھپی ہو اور جو ظاہر ہو، اور میں جنت کے بلند درجات کا سوال کرتا ہوں، آمین۔ اے اللہ! میں تجھ سے التجا کرتا ہوں کہ تو میرا تذکرہ بلند کر دے، میرا بوجھ اتار دے، میرے کام سنوار دے، میرا دل پاک کر دے، میری شرمگاہ کو محفوظ فرما دے، میرے لیے میرا دل روشن کر دے، میرا گناہ بخش دے، اور میں تجھ سے جنت کے بلند درجات کا سوال کرتا ہوں، آمین۔ اے اللہ! میں تجھ سے سوال کرتا ہوں کہ تو میری جان میں، میری سماعت میں، میری بصارت میں، میری روح میں، میری ساخت میں، میرے اخلاق میں، میرے گھر والوں میں، میری زندگی میں، میری موت میں اور میرے عمل میں برکت عطا فرما، میری نیکیاں قبول کر لے، اور میں تجھ سے جنت کے بلند درجات کا سوال کرتا ہوں۔“
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كتاب الدعاء والتكبير والتهليل والتسبيح والذكر/حدیث: 1932]