سیدنا ابن عباس رضی اللہ عنہما فرماتے ہیں کہ رسول اللہ صلی اللہ علیہ وسلم نے ارشاد فرمایا: سورۃ الزلزال (کا ثواب) آدھے قرآن کے برابر ہے اور سورۃ الکافرون (کا ثواب) چوتھائی قرآن کے برابر ہے۔ اور سورۃ الاخلاص (کا ثواب) ایک تہائی قرآن کے برابر ہے۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ سیدنا ابن عمر رضی اللہ عنہما سے مروی ہے، رسول اکرم صلی اللہ علیہ وسلم کا یہ فرمان کہ یٰٓاَیُّھَا الْکٰفِرُوْنَ چوتھائی قرآن کے برابر ہے “ صحیح ہے۔ [المستدرك على الصحيحين/كتاب فضائل القرآن/حدیث: 2103]