سیدنا انس بن مالک رضی اللہ عنہ سے روایت ہے کہ سیدنا ابوطرحہ رضی اللہ عنہ نے ام سلیم رضی اللہ عنہا کو نکاح کا پیغام بھیجا، تو انہوں نے کہا: اے ابوطرحہ! کیا آپ نہیں جانتے کہ آپ کا وہ معبود جس کی آپ عبادت کرتے ہیں وہ محض زمین سے اگی ہوئی ایک لکڑی ہے جسے فلاں قبیلے کے ایک حبشی غلام نے تراشا ہے؟! اگر آپ اسلام قبول کر لیں تو میں مہر میں اس کے سوا اور کچھ نہیں چاہوں گی، انہوں نے کہا: (مجھے مہلت دیں) یہاں تک کہ میں اپنے معاملے پر غور کر لوں، راوی کہتے ہیں: وہ چلے گئے پھر واپس آئے اور کہا: میں گواہی دیتا ہوں کہ اللہ کے سوا کوئی معبود نہیں اور میں گواہی دیتا ہوں کہ محمد اللہ کے رسول ہیں۔ تب ام سلیم رضی اللہ عنہا نے کہا: اے انس! اٹھو اور ابوطرحہ کا (مجھ سے) نکاح کر دو۔
یہ حدیث امام مسلم کی شرط پر صحیح ہے لیکن شیخین نے اسے روایت نہیں کیا۔ اور اس کی ایک ایسی شاہد روایت بھی ہے جو شیخین کی شرط پر صحیح ہے: [المستدرك على الصحيحين/كتاب النكاح/حدیث: 2770]