سیدنا سفینہ رضی اللہ عنہ سے روایت ہے، انہوں نے کہا کہ مجھ سے ام المؤمنین سیدہ ام سلمہ رضی اللہ عنہا نے فرمایا: میں تمہیں اس شرط پر آزاد کرتی ہوں کہ تم جب تک زندہ رہو رسول اللہ صلی اللہ علیہ وسلم کی خدمت کرو گے؟ وہ بیان کرتے ہیں کہ میں نے عرض کی: اگر آپ مجھ پر یہ شرط عائد نہ بھی کرتیں تب بھی میں جب تک زندہ رہتا رسول اللہ صلی اللہ علیہ وسلم کی خدمت سے جدا نہ ہوتا، چنانچہ انہوں نے مجھے آزاد کر دیا اور مجھ پر یہی شرط لگائی کہ میں زندگی بھر رسول اللہ صلی اللہ علیہ وسلم کی خدمت بجا لاؤں گا۔
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كتاب العتق/حدیث: 2885]