سیدنا انس بن مالک رضی اللہ عنہ سے روایت ہے کہ انہوں نے یہ آیت تلاوت فرمائی: ﴿فَإِمَّا نَذْهَبَنَّ بِكَ فَإِنَّا مِنْهُمْ مُنْتَقِمُونَ﴾ [الزخرف: 41] ”پھر اگر ہم آپ کو (دنیا سے) لے جائیں تو بھی ہم ان سے انتقام لینے والے ہیں۔“ پھر انہوں نے فرمایا: رسول اللہ صلی اللہ علیہ وسلم تو تشریف لے گئے لیکن انتقام (سزا) باقی رہ گئی، اور اللہ تعالیٰ نے اپنے نبی صلی اللہ علیہ وسلم کو آپ کی امت میں کوئی ایسی ناپسندیدہ چیز نہیں دکھائی جو آپ صلی اللہ علیہ وسلم کی آنکھوں کو بری لگے یہاں تک کہ آپ صلی اللہ علیہ وسلم رخصت ہو گئے، اور کوئی نبی ایسا نہیں گزرا جس نے اپنی امت میں (اپنی زندگی ہی میں) سزا نہ دیکھی ہو سوائے تمہارے نبی صلی اللہ علیہ وسلم کے۔
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كتاب التفسير/حدیث: 3713]