سیدنا عبداللہ بن عباس رضی اللہ عنہما اللہ تعالیٰ کے ارشاد: فِیْھِمَا فَاکِھَۃٌ وَّ نَخْلٌ وَّ رُمَّانٌ ” ان میں میوے اور کھجوریں اور انار ہیں۔“ کے متعلق فرمایا: جنت کے درختوں کی شان یہ ہے کہ ان کے تنے کی چھال سبز زمرد کی، ان کے تنے سرخ سونے کے اور ان کی شاخیں جنتیوں کا لباس ہے، انہی سے ان کے چھوٹے بڑے کپڑے ہوں گے۔ ان کے پھل مٹکوں اور ڈول کی طرح ہوں گے جو دودھ سے زیادہ سفید اور شہد سے زیادہ میٹھے اور مکھن سے زیادہ ملائم ہوں گے اور ان درختوں کی کوئی جڑ بھی نہیں ہو گی۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اسے نقل نہیں کیا۔ [المستدرك على الصحيحين/كتاب التفسير/حدیث: 3818]