سیدنا عبداللہ بن عباس رضی اللہ عنہما فرماتے ہیں: رسول اللہ صلی اللہ علیہ وسلم نے نہ تو جنات پر قرآن کی تلاوت کی اور نہ ان کو دیکھا۔ البتہ آپ اپنے کچھ صحابہ رضوان اللہ علیہم اجمعین کے ہمراہ عکاظۃ بازار میں جانے کے ارادے سے نکلے اور شیاطین اور آسمان کی خبروں کے مابین رکاوٹ پیدا ہو چکی تھی اور ان کو شہاب ثاقب مارے گئے تھے۔ یہ جنات لوٹ کر اپنی قوم کی طرف چلے گئے۔ ان کی قوم نے ان سے لوٹنے کی وجہ دریافت کی تو انہوں نے جواباً کہا: ہمارے اور آسمانی خبروں کے درمیان رکاوٹ پیدا ہو گئی اور ہم پر شہاب ثاقب برسائے گئے۔ انہوں نے کہا: یہ تو کوئی نئی چیز ہے۔ چنانچہ زمین کے مشارق و مغارب کو چھان مارو اور اس نئی چیز کو ڈھونڈو۔ یہ جنات زمین کے طول و عرض میں یہ چیز ڈھونڈنے چل نکلے کہ آخر وہ کیا چیز ہے جو ان کے اور آسمانی خبروں کے درمیان حائل ہو گئی ہے؟ پھر جب یہ (جنات) وہاں (رسول اکرم صلی اللہ علیہ وسلم کے پاس سے) اپنی قوم کے پاس واپس گئے تو ان سے بولے: اِنَّا سَمِعْنَا قُرْاٰنًا عَجَبًا یَّھْدِیْٓ اِلَی الرُّشْدِ فَاٰامَنَّا بِہٖ وَ لَنْ نُّشْرِکَ بِرَبِّنَآ اَحَدًا (الجن: 1، 2) ” تو بولے ہم نے عجیب قرآن سنا، کہ بھلائی کی راہ بتاتا ہے تو ہم اس پر ایمان لائے، اور ہم ہرگز کسی کو اپنے رب کا شریک نہ کریں گے۔“ تو اللہ تعالیٰ نے یہ آیات نازل فرما دیں: قُلْ اُوْحِیَ اِلَیَّ اَنَّہُ اسْتَمَعَ نَفَرٌ مِّنَ الْجِنِّ (الجن: 1) ” تم فرماؤ مجھے وحی ہوئی کہ کچھ جنوں نے میرا پڑھنا کان لگا کر سنا۔“ اور آپ کی طرف جنات کا کلام وحی کیا گیا تھا۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اسے اس اسناد کے ہمراہ نقل نہیں کیا۔ تاہم صرف امام مسلم رحمۃ اللہ علیہ نے داؤد بن ابی ہند کے ذریعے شعبی کے واسطے سے سیدنا علقمہ رضی اللہ عنہ کے حوالے سے سیدنا عبداللہ رضی اللہ عنہ کی مفصل حدیث نقل کی ہے۔ البتہ اس کے الفاظ کچھ مختلف ہیں اور امام بحاری رحمۃ اللہ علیہ نے شعبہ سے انہوں نے اعمش سے روایت کیا کہ ابراہیم کہتے ہیں: میں نے علقمہ رضی اللہ عنہ سے پوچھا: کیا لیلۃ الجن (جس رات جنات کا گروہ حضور صلی اللہ علیہ وسلم کی بارگاہ میں حاضر ہوا تھا) سیدنا عبداللہ رضی اللہ عنہ، رسول اکرم صلی اللہ علیہ وسلم کے پاس موجود تھے؟ تو اس سلسلے میں انہوں نے مختصر کلام کیا۔ یہ حدیث ایک مجہول شخص کے واسطے سے سیدنا عبداللہ بن مسعود رضی اللہ عنہ سے مروی ہے کہ وہ لیلۃ الجن میں رسول اللہ صلی اللہ علیہ وسلم کے پاس موجود تھے اور اس حدیث کو معتبر ائمہ حدیث نے نقل کیا ہے (جیسا کہ درج ذیل ہے) [المستدرك على الصحيحين/كتاب التفسير/حدیث: 3899]