سیدنا علی رضی اللہ عنہ فرماتے ہیں: رسول اللہ صلی اللہ علیہ وسلم ہمارے پاس تشریف لائے اور میرے اور فاطمہ کے درمیان تشریف فرما ہو گئے۔ ہم نے عرض کی: جب ہم (سونے کے لئے) بستر پر لیٹیں تو کیا پڑھیں؟ آپ نے فرمایا 33 مرتبہ سبحان اللہ، 33 مرتبہ الحمدللہ اور 34 مرتبہ اللہ اکبر پڑھا کرو۔ سیدنا علی رضی اللہ عنہ فرماتے ہیں: خدا کی قسم! اس کے بعد میں نے یہ تسبیحات کا کبھی ناغہ نہیں کیا۔ ایک آدمی آپ کے متعلق دل میں کچھ خلش رکھتا تھا اس نے کہا: صفین کی رات بھی یہ تسبیحات آپ نے نہیں چھوڑیں؟ سیدنا علی رضی اللہ عنہ نے فرمایا: جی ہاں، صفین کی رات بھی نہیں چھوڑیں۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن انہوں نے اس کو نقل نہیں کیا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 4777]