سیدنا ابوالعریف فرماتے ہیں: ہم سیدنا حسن بن علی رضی اللہ عنہ کے لشکر کے ہر اول دستے میں تھے اور یہ بارہ ہزار افراد پر مشتمل تھا، ہماری تلواریں اہل شام کے خلاف جنگ کے لئے آگ اگل رہی تھیں۔ ابوعمر طہ ہمارے کمانڈر تھے، جب ہمیں سیدنا حسن رضی اللہ عنہ اور معاویہ رضی اللہ عنہ کی صلح کی اطلاع ملی تو غیظ و غضب سے یوں لگ رہا تھا گویا کہ ہماری کمر ٹوٹ گئی ہے۔ پھر جب سیدنا حسن بن علی رضی اللہ عنہ کوفہ واپس تشریف لائے تو ابوعامر سفیان بن اللیل کھڑا ہو کر کہنے لگا: اے مومنوں کو ذلیل کرنے والے! السلام علیکم۔ تو سیدنا حسن رضی اللہ عنہ بولے: اے ابوعامر! ایسا مت کہو۔ میں نے مسلمانوں کو ذلیل نہیں کیا بلکہ اصل بات یہ ہے کہ حصول اقتدار کے لئے مسلمانوں کے ساتھ جنگ کرنا مجھے اچھا نہیں لگا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 4872]