سیدنا ام بشر رضی اللہ عنہا فرماتی ہیں: میں رسول اللہ صلی اللہ علیہ وسلم کی مرض الموت میں آپ صلی اللہ علیہ وسلم کے پاس گئی، اور میں نے کہا: یا رسول اللہ صلی اللہ علیہ وسلم میرے ماں باپ آپ پر قربان ہو جائیں، آپ اپنی اس حالت کا ذمہ دار کس کو قرار دیتے ہیں؟ کیونکہ میں یہ سمجھتی ہوں کہ میرے بیٹے کی وفات بھی اس کھانے کی وجہ سے ہوئی ہے جو اس نے آپ کے ہمراہ خیبر میں کھایا تھا، (ان کے صاحبزادے سیدنا بشر بن البراء بن معرور رضی اللہ عنہ نبی اکرم صلی اللہ علیہ وسلم کی وفات سے پہلے انتقال کر چکے تھے) رسول اللہ صلی اللہ علیہ وسلم نے فرمایا: میں بھی اسی (زہر) کو ہی ذمہ دار ٹھہراتا ہوں، اور یہ وقت میری روح قبض ہونے کا ہے۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اس کو نقل نہیں کیا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 5032]