سیدنا جابر رضی اللہ عنہ سے مروی ہے کہ سیدنا ثعلبہ بن عنمہ رضی اللہ عنہ رسول اللہ صلی اللہ علیہ وسلم کی خدمت میں حاضر ہوئے، اس وقت حضور صلی اللہ علیہ وسلم بیٹھے ہوئے تھے۔ انہوں نے حضور صلی اللہ علیہ وسلم کو سلام کیا، ان کی انگلی میں سونے کی ایک انگوٹھی پہنی ہوئی تھی، حضور صلی اللہ علیہ وسلم نے ان کے سلام کا جواب نہ دیا، انہوں نے دوبارہ سلام کیا، لیکن حضور صلی اللہ علیہ وسلم نے پھر بھی سلام کا جواب نہ دیا، کسی صحابی نے عرض کی: یا رسول اللہ صلی اللہ علیہ وسلم ! ثعلبہ نے آپ کو تین مرتبہ سلام کیا ہے، لیکن آپ نے جواب ارشاد نہیں فرمایا (اس کی وجہ کیا ہے؟) نبی اکرم صلی اللہ علیہ وسلم نے فرمایا: کیا تمہیں نظر نہیں آ رہا؟ اس کے ہاتھ میں موجود دوزخ کے انگارے کی وجہ سے میرے چہرے پر پسینہ آ رہا ہے۔ (یہ سنتے ہی) سیدنا ثعلبہ رضی اللہ عنہ نے وہ انگوٹھی اتار کر پھینک دی۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 5091]