سیدہ اسماء بن حارثہ رضی اللہ عنہ فرماتے ہیں: میں عاشوراء کے دن نبی اکرم صلی اللہ علیہ وسلم کی خدمت عالیہ میں حاضر ہوا، آپ صلی اللہ علیہ وسلم نے مجھ سے پوچھا: اے اسماء! کیا تو نے آج روزہ رکھا ہے؟ میں نے کہا: نہیں۔ آپ صلی اللہ علیہ وسلم نے فرمایا: روزہ رکھ لو، میں نے عرض کی: یا رسول اللہ صلی اللہ علیہ وسلم میں ناشتہ کر چکا ہوں، آپ صلی اللہ علیہ وسلم نے فرمایا: دن کا باقی حصہ روزہ رکھ لو اور اپنی قوم کو بھی روزہ رکھنے کا حکم دو، میں نے اپنے جوتے اپنے ہاتھ میں اٹھائے اور اپنے کجاوے میں سوار ہو کر اپنی قوم میں آ گیا، میں نے آ کر کہا: بے شک نبی اکرم صلی اللہ علیہ وسلم نے تمہیں حکم دیا ہے کہ تم روزہ رکھ لو، لوگوں نے کہا: ہم نے تو ناشتہ کر لیا ہوا ہے، میں نے کہا: حضور صلی اللہ علیہ وسلم نے فرمایا ہے کہ دن کا باقی حصہ روزہ رکھ لو۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6379]