یعقوب بن داؤد ثقفی اور مسلمہ بن محارب اور دیگر کئی محدثین بیان کرتے ہیں کہ جب سیدنا ضحاک بن قیس رضی اللہ عنہ کو مرج راہط میں شہید کر دیا گیا، یہ واقعہ 15 ذی الحجہ سن 64 ہجری کا مروان بن حکم کے دور کا ہے۔ نعمان بن بشیر رضی اللہ عنہ جو کہ اس وقت حمص کے گورنر تھے، وہ خوف زدہ ہو گئے اور وہاں سے بھاگ کر ابن زبیر کے پاس جانا چاہتے تھے۔ لیکن اہل حمص نے ان کو پکڑ لیا اور شہید کر دیا اور ان کا سر کاٹ کر جدا کر دیا۔ صحیحین میں صحیح روایات موجود ہیں جن سے ثابت ہوتا ہے کہ سیدنا نعمان بن بشیر رضی اللہ عنہ نے رسول اللہ صلی اللہ علیہ وسلم سے سماع کیا ہے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6392]