سیدنا ابوواقد لیثی رضی اللہ عنہ فرماتے ہیں: میں رسول اللہ صلی اللہ علیہ وسلم کے پاس اتنا قریب ہو کر بیٹھا ہوا تھا کہ میرے گھٹنے رسول اللہ صلی اللہ علیہ وسلم کے گھٹنوں کو چھو رہے تھے، ایک آنے والا آیا، اس نے رسول اللہ صلی اللہ علیہ وسلم کے کان مبارک کو زور سے پکڑ کر کچھ کہا۔ رسول اللہ صلی اللہ علیہ وسلم کا چہرہ مبارک متغیر ہو گیا اور آپ کی نسوں میں خون ابھر آیا، بعد میں رسول اللہ صلی اللہ علیہ وسلم نے فرمایا: یہ عامر بن طفیل کا نمائندہ تھا، یہ مجھے اور میرے پاس آنے والوں کو جھڑک رہا تھا۔ حالانکہ اللہ تعالیٰ نے اسماعیل علیہ السلام کی اولاد اور بنی قیلہ (راوی کہتے ہیں:) یعنی انصار کے ساتھ، اس سے میرا دفاع کیا ہے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6398]