سیدنا ابووائل فرماتے ہیں: میں اور میرا ساتھی حج کرنے کے لئے گئے، ان دنوں سیدنا عبداللہ بن عباس رضی اللہ عنہما بھی حج کے لئے آئے ہوئے تھے۔ سیدنا ابن عباس رضی اللہ عنہما سورۃ النور پڑھ کر اس کی تفسیر بیان کر رہے تھے، میرے ساتھی نے کہا: سبحان اللہ! اس آدمی کے منہ سے کیسے پیارے پھول جھڑ رہے ہیں۔ اگر اس کی گفتگو ترکی لوگ سن لیں تو مسلمان ہو جائیں۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6425]