ابن ابی ملیکہ فرماتے ہیں: سیدنا عبداللہ بن عباس رضی اللہ عنہما کے ہاں سیدنا عبداللہ بن زبیر رضی اللہ عنہ کا تذکرہ ہوا۔ تو سیدنا عبداللہ بن عباس رضی اللہ عنہما نے فرمایا: وہ اسلام میں پاکدامن تھے، عبادت الٰہی میں مشغول رہنے والے تھے، ان کے والد ” سیدنا زبیر “ ہیں، اور ان کی والدہ سیدہ اسماء بنت ابی بکر رضی اللہ عنہا ہیں۔ ان کے دادا سیدنا ابوبکر صدیق رضی اللہ عنہ ہیں۔ ان کی پھوپھی سیدہ خدیجہ رضی اللہ عنہا ہیں۔ ان کی دادی ” سیدہ صفیہ رضی اللہ عنہا “ ہیں۔ ان کی خالہ ” سیدہ عائشہ رضی اللہ عنہا “ ہیں۔ خدا کی قسم! میں نے جب بھی اپنے دل میں ان کے بارے میں کوئی حساب لگایا ہے جو کہ سیدنا ابوبکر اور عمر رضی اللہ عنہما کے لئے کبھی نہیں لگایا تو میں نے ان کو حمیدات، اسامات اور تویتات پر غالب پایا۔ ابوعلی قبانی کہتے ہیں: حمیدات سے مراد ” حمید بن زہیر بن حارث بن اسد بن عبدالعزیٰ “ ہیں۔ اور تویتات سے مراد ” تویت بن حبیب بن اسد “ ہیں۔ اور سیدنا زبیر بن عوام، اسد بن عبدالعزیٰ کے بیٹے خویلد کی اولاد میں سے ہیں۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6467]