کئی صحابہ کرام نے سیدنا ابوبصرہ رضی اللہ عنہ سے روایت کیا ہے کہ رسول اللہ صلی اللہ علیہ وسلم نے ارشاد فرمایا: اللہ تبارک و تعالیٰ نے تمہارے لئے ایک اور نماز کا اضافہ کیا ہے، تم وہ نماز عشاء اور فجر کے درمیان پڑھا کرو، اور وہ نماز ہے ” وتر “۔ سیدنا ابوبصرہ ” غفاری “ ہیں۔ ابوتمیم کہتے ہیں: میں اور ابوذر رضی اللہ عنہ دونوں بیٹھے ہوئے تھے، سیدنا ابوذر رضی اللہ عنہ نے میرا ہاتھ پکڑا اور مجھے ابوبصرہ رضی اللہ عنہ کے پاس لے گئے، دار عمرو کے قریب دروازے پر ہی ہماری ان کے ساتھ ملاقات ہو گئی۔ سیدنا ابوذر رضی اللہ عنہ نے ان سے کہا: اے ابوبصرہ رضی اللہ عنہ کیا تم نے رسول اللہ صلی اللہ علیہ وسلم کو یہ فرماتے ہوئے سنا ہے کہ ” اللہ تبارک و تعالیٰ نے تمہارے لئے ایک اور نماز کا اضافہ کیا ہے، اس کو تم عشاء اور فجر کی نماز کے درمیان (کسی بھی وقت) پڑھ لیا کرو “ سیدنا ابوبصرہ رضی اللہ عنہ نے کہا: جی ہاں۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6657]