آبی اللحم رضی اللہ عنہ کے آزاد کردہ غلام ” عمیر “ کہتے ہیں: میرے آقا نے مجھے حکم دیا کہ میں ان کے لئے گوشت بھونوں، میں گوشت بھون رہا تھا کہ ایک مسکین آ گیا، میں نے وہ گوشت مسکین کو کھلا دیا، اس پر میرے آقا نے مجھے بہت مارا، میں رسول اللہ صلی اللہ علیہ وسلم کی بارگاہ میں آیا اور اس کی شکایت کر دی۔ نبی اکرم صلی اللہ علیہ وسلم نے اس کو بلوایا، اور ان سے ان کو مارنے کی وجہ پوچھی، انہوں نے کہا: اس نے میری اجازت کے بغیر میرا کھانا کسی اور کو کھلا دیا، نبی اکرم صلی اللہ علیہ وسلم نے فرمایا: اس پر جو ثواب ملے گا وہ تم دونوں کو ملے گا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6758]