مصعب بن عبداللہ زبیری عبداللہ بن معاویہ کے واسطے سے ہشام بن عروہ کا یہ بیان نقل کرتے ہیں کہ سیدنا عروہ نے ولید بن عبدالملک بن مروان کو ایک مکتوب لکھا جس کے مندرجات میں سے یہ بھی تھا ” اور رسول اللہ صلی اللہ علیہ وسلم نے سیدہ خدیجہ رضی اللہ عنہا کے وصال کے بعد سیدہ عائشہ رضی اللہ عنہا کے ساتھ نکاح کیا۔ رسول اللہ صلی اللہ علیہ وسلم کو خواب میں تین مرتبہ سیدہ عائشہ رضی اللہ عنہا دکھائی گئیں اور آپ صلی اللہ علیہ وسلم کو بتایا گیا کہ یہ تمہاری بیوی عائشہ رضی اللہ عنہا ہے۔ جس دن رسول اللہ صلی اللہ علیہ وسلم نے ام المومنین سیدہ عائشہ رضی اللہ عنہا سے نکاح کیا اس دن ان کی عمر 7 سال تھی، پھر جب رخصتی ہوئی اور آپ مدینہ تشریف لائے، اس وقت ام المومنین سیدہ عائشہ رضی اللہ عنہا کی عمر 9 سال تھی۔ آپ کا وصال منگل کی رات کو نماز وتر کے بعد ہوا، اسی رات آپ کو 16 رمضان المبارک کو جنت البقیع میں دفن کر دیا گیا۔ سیدنا ابوہریرہ رضی اللہ عنہ نے آپ کی نماز جنازہ پڑھائی، اس دن مروان وہاں پر موجود نہ تھا اور سیدنا ابوہریرہ رضی اللہ عنہ اس کے نائب ہوا کرتے تھے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6860]